Audi қачондан тўлиқ электромобиллар ишлаб чиқаришини маълум қилди

Ислом / Авто / Хориж
A A A
Audi қачондан тўлиқ электромобиллар ишлаб чиқаришини маълум қилди

Германиянинг Audi автомобилсозлик компанияси ички ёнув двигателлари бўлган машиналардан бутунлай воз кечади.

Барча янги моделлар 2026 йилдан электромобиллар бўлади, анъанавий автомобиллар эса 2033 йилга қадар бекор қилинади.

Audi 2025 йилга қадар 20 дан ортиқ электр транспорт воситаларининг моделларига эга бўлиши кутилмоқда. Шу билан бирга, ички ёниш двигателлари бўлган автомобилларни ишлаб чиқариш 2033 йилга қадар бекор қилиниши кутилмоқда. Бироқ, Хитойда талаб юқори бўлганлиги сабабли, бундай автомобиллар 2033 йилдан кейин ҳам маҳаллий шерик фабрикаларида ишлаб чиқарилишда давом этиши мумкин.

Aввалроқ, бир қатор ишлаб чиқарувчилар ички ёнув двигателлари бўлган автомобиллар ишлаб чиқаришни қисқартириш режаларини эълон қилишган эди. Швециялик Volvo буни 2030 йилга қадар, Aмериканинг General Motors концерни – 2035 йилга қадар амалга оширмоқчи.

Mercedes-Benz ишлаб чиқарувчиси 2039 йилгача электр транспорт воситаларига тўлиқ ўтишни режалаштирмоқда, Германиянинг Volkswagen концерни эса 2040 йилдан.

Киритилди: 05:15 24.06.2021. Ўқилди: 1904 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!