АҚШдаги ғалаён вақтида Трампнинг қаерга яширингани маълум бўлди
АҚШ Президенти Дональд Трамп жума куни кечқурун Вашингтонда афро-америкалик Жорж Флойднинг полиция қўлида ҳалок бўлгани натижасида бўлиб ўтаётган намойиш пайтида Оқ уйнинг ер ости бункерида бўлган, дея хабар беради маҳаллий ОАВ.
The New York Times газетаси хабарига кўра, президент жума куни кечқурун намойишчилар Оқ уй дарвозаларидан металл баррикадаларни ташлашганида бункерга олиб кетилган. Нашрнинг қайд этишича, бункер илгари ҳужумлар пайтида ишлатилган.
CНН манбаси Трамп ўз қароргоҳига қайтиб келишидан олдин тахминан бир соат давомида у ерда бўлганлигини қўшимча қилди. Биринчи хоним Мелания Трамп ва уларнинг ўғли Баррон ҳамроҳлик қилганми ёки йўқми, номаълум.
Эслатиб ўтамиз, 25 май куни Миннеаполисда бир афро-америкалик полиция томонидан ушланди. Ҳибсга олиш пайтида полициячилардан бири Флойднинг бўйнини тиззаси билан босди. Оқибатда эркак бўғилиб вафот этди.
