Ана холос! Автокредит барча ўқитувчиларга ҳам берилавермайди!

A A A
Ана холос! Автокредит барча ўқитувчиларга ҳам берилавермайди!

Халқ таълими вазирлиги бошқарма бошлиғи Акбар Тагаев журналистларни қизиқтирган саволларига жавоб берди.

 

Ўқитувчи ва мураббийларнинг ижтимоий мавқеи ва нуфузини оширишга қаратилган Президент шунингдек Ягона мактаб формаси билан таъминлашга оид Ҳукумат қарорлари бўйича матбуот анжумани ўтказилди.

 

Тадбирда Халқ таълими вазирлиги бошқарма бошлиғи Акбар Тагаев иштирок этиб, оммавий ахборот воситалари вакилларини қизиқтирган саволларига жавоб берди.

 

А.Тагаевнинг таъкидлашича, уй-жой кредити бўйича махсус тартиб ишлаб чиқилиб тасдиқланади, унда уй-жойлар қайси мезонлар бўйича тақсимланиши каби масалалар қамраб олинади;

 

автокредит барча ўқитувчиларга берилмайди, Халқ таълими вазирлиги томонидан автокредит ажратиш тавсия қилинадиган педагог ходимлари бўйича рўйхат шакллантирилади, бунда иш стажи, ютуқлари ва бошқа шу каби мезонларга эътибор қаратилади;

 

агар бу йилга мактаб формаси олиб қўйилган бўлса, янги форма олиш шарт эмас, ўша формани кийиб мактабга келишга рухсат берилади;

 

монополияга йўл қўйилмайди, яъни мактаб формасини кимдан олишни умуман аҳамияти йўқ, белгиланган стандартга мос келса бўлди (мактаб формани ўзлари тиктирса ҳам бўлади);

 

мактаб формаси бўйича таклифлар учун бемалол мурожаат қилиш мумкин, яъни мактаб формаси шу шаклда қолиб кетмайди, уч йилгача фикр мулоҳазалар ўрганилиб, тегишли ўзгартиришлар киритилиши мумкин.

Uza.uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Фикр билдириш учун қайдномадан ўтишингиз сўралади ва телефон ракамни тасдиклаш керак булади!