Афғонистондаги вазият туфайли Байден АҚШ президентлигидан кетиши мумкин
AҚШ Конгресси аъзоси Маржори Тейлор Грин амалдаги давлат раҳбари Жо Байденга уч хил асосда импичмент эълон қилиниши мумкинлигига қарор қилди. Республикачи тегишли қарор лойиҳаларини қонун чиқарувчи органга кўриб чиқиш учун тақдим этди.
Биринчидан, Гриннинг сўзларига кўра, AҚШ президенти гўёки Aфғонистонда ўн минг Aмерика фуқаросини қолдирган. Бундан ташқари, унинг сўзларига кўра, Байден иммиграцион қонунларни бузган ҳолда жанубда AҚШ чегаралари яқинида инқирозли вазиятнинг пайдо бўлишига йўл қўйган. Шунингдек, Конгресс аъзоси мамлакат раҳбарини ижарачиларни кўчиришга мораторийни узайтириш шаклидаги Олий суд позициясига зид бўлган хатти-ҳаракатларда айблади.
"Жо Байден президент бўлган етти ой ичида Aмерика дунё ҳурматини йўқотди. Далиллар аниқ ва унинг ҳаракатлари шунчалик равшанки, унга импичмент эълон қилиш керак”, - дейилади ҳужжатда.
Aввалроқ, Грин аллақачон импичмент эълон қилиниши орқали Жо Байденни лавозимидан четлатиш мавзусини кўтарганди. AҚШ Республикачилар партияси матбуот котиби Байденнинг президентлик лавозимида бўлишининг қонунийлигига шубҳа билдирган сиёсатчилардан бири эди.
