22 ноябрдан Австрияда умумий локдаун жорий этилади

Австрияда 22 ноябрдан умуммиллий локдаун эълон қилинди, деб хабар берди ORF. Бу ҳақда канцлер Александр Шалленберг ва соғлиқни сақлаш вазири Волфганг Мюкштейн маълум қилди.

Локдаун ўн кундан кам, 20 кундан кўп бўлмаган муддатга жорий этилади.

Бу давр мобайнида барча оммавий ва маданий тадбирлар бекор қилинади, овқатланиш ва маданият муассасалари, савдо нуқталари, мактаблар ёпилади.

“Биз бешинчи тўлқин келишини хоҳламаймиз”, – деди Австрия канцлери.

Хабар қилинишича, Австрияда 1 февралдан мажбурий вакцинация жорий этилади.