2024 йилнинг апрели кузатувлар тарихидаги энг иссиғи бўлди
Европа иқлим хизмати Copernicus ҳисоботига кўра, 2024 йил апрели бутун дунё бўйлаб кузатувлар тарихидаги энг иссиқ апрель ойи бўлди, метеорологлар кетма-кет 11-ой ҳарорат рекордини қайд этди.
Copernicus`нинг маълум қилишича, апрель ойида сайёра юзасида ўртача ҳарорат Цельсий бўйича 15,03 даражани ташкил қилган — бу 2016 йил апрелида ўрнатилган аввалги максимал кўрсаткичдан 0,14 даражага юқори.
Охирги 12 ой давомида (2023 йил май — 2024 йил апрель) глобал ўртача ҳарорат ҳам тарихдаги энг юқори кўрсаткичга чиқди. Бу 1850−1900 йиллардаги саноатгача бўлган даврга нисбатан 1,61 даража юқори бўлди.
Матнда хатолик топсангиз, ўша хатони белгилаб, бизга жўнатинг (Ctrl + Enter).