Хорватия Нигерияни мағлуб этиб, гуруҳ пешқадамига айланди

32-дақиқада Нигерия футболчиси Этебо ўз дарвозасига тўп киритиб, рақибни ҳисобда олдинга олиб чиқди. 71-дақиқада Модрич пенальтидан унумли фойдаланиб, жамоасининг ишончли ғалабасига ҳисса қўшди. 

Гуруҳнинг биринчи жуфтлик ўйинида Аргентина ҳамда Исландия терма жамоалари куч синашиб, дуранг қайд этишган эди. 

Шу тариқа, Хорватия биринчи турдан сўнг 3 очко билан гуруҳда етакчилик қилмоқда. Аргентина ҳамда Исландия эса 1 очко билан иккинчи ўринни бўлишиб турибди. Нигерия терма жамоаси эса 0 очко билан гуруҳда сўнгги ўринни эгаллаб турибди. 

Хорватия – Нигерия 2:0

Голлар: 1:0 – 32, автогол Этебо, 2:0 – 71, пенальти Модрич.
Хорватия – Субашич, Ловрен, Стринич, Врсалько, Вида, Ракитич, Модрич, Перишич, Ребич (Ковачич, 78), Крамарич (Брозович, 60), Манджукич (Пьяца, 86).
Нигерия – Узохо, Трост-Эконг, Шеху, Идову, Балогун, Ндиди, Этебо, Оби Микел (Нванкво, 88), Мозес, Ивоби (Муса, 62), Игало (Ихеаначо, 73).
Огоҳлантиришлар: Ракитич (30), Трост-Эконг (70), Брозович (89).

Манба: kun.uz