Украина Россияга таҳдид қилди: "Россияга тобутларни жўнатамиз!"

Украина Миллий хавфсизлик ва мудофаа кенгаши котибининг ўринбосари Сергей Кривонос Россияга таҳдид қилди. 

Украина матбуоти хабарига кўра, Россия томони «тўлиқ миқёсдаги тажовуз"га ўтган тақдирда жуда катта қурбон беришига тўғри келади.

"Россия қуролли кучлари жуда катта йўқотишга дуч келади, бу Россияга жўнатиладиган тобутлар оқимида ўз аксини топади", деб таъкидлади Кривонос.

Миллий хавфсизлик ва мудофаа кенгаши котиби ўринбосарининг таъкидлашича, Украина Қуролли Кучларида "жанговар ҳаракатларни амалга оширишда ажойиб тажрибага эга" ҳарбий хизматчилар хизмат қилади.