Туркияга ҳам коронавируснинг британча варианти кириб келди

Туркияга ҳам коронавируснинг британча варианти кириб келди

Туркия Соғлиқни сақлаш вазирлигининг маълум қилишича, мамлакатга кириб келган 15 нафар фуқарода коронавируснинг Британияда аниқланган  янги тури қайд этилди. Коронавируснинг ушбу янги штамми олдингисидан 40-70 фоизгача юқумлироқдир.

Туркия Соғлиқни сақлаш вазири Фехриттин Кўчанинг жума куни берган баёнотига кўра, Британиядан қайтган саёҳатчиларда коронавируснинг янги штамми аниқланган ва улар карантинга олинган. Шунингдек, ушбу касаллар билан яқин мулоқотда бўлганлар ҳам изоляцияга олинган. Кўча бундан бошқа йўловчиларда янги штамм аниқланмаганини айтган.

Декабрь ойининг охирларида Британияда коронавируснинг янги тури кенг миқёсда тарқала бошлагач Туркия ҳам бу мамлакат билан авиақатновларни тўхтатиб қўйди. Шунингдек, ўтган ҳафтадан бошлаб Туркияга кирмоқчи бўлганлардан коронавируснинг манфий натижаси қайд этилган тест натижаси талаб қилина бошланди.

Туркия коронавирус тарқалиши бўйича дунёда еттинчи ўринда турибди. Бу мамлакатда CОVID-19 ни юқтириб олганларнинг умумий сони 2 220 855 нафарни, қурбонлар сони эса 21 093 нафарни ташкил қилмоқда. Аммо, танқидчилар турк ҳукуматини вирус тарқалиши бўйича статистикани атайлаб кам кўрсатаётганликда айблашмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!