Туркияда бўлиб турган Ўзбекистон фуқаролари огоҳлантирилди

Туркияда бўлиб турган Ўзбекистон фуқаролари огоҳлантирилди

Туркия Республикасида COVID-19 тарқалишига қарши курашиш доирасида карантин чоралари кучайтирилиб, янги чекловлар жорий этилмоқда.

Мамлакатимизнинг Туркиядаги элчихонаси маълум қилишича, 2020 йил 1 декабрь соат 21:00 дан пандемия билан боғлиқ қуйидаги янги чекловлар кучга киради:

  • иш кунлари соат 21:00 дан 5:00 га қадар комендантлик соати белгиланди;
  • дам олиш кунлари жума куни кечқурун соат 21:00 дан душанба куни эрталаб соат 5:00 га қадар кўчага чиқиш мумкин эмас;
  • жаноза ва тўй маросимларида қатнашчилар сони 30 кишидан ошмаслиги керак;
  • барча давлат муассасалари иш кунлари соат 10:00 дан 16:00 гача бўлган вақтда фаолият кўрсатади;
  • 65 ёшдан ошган ва 20 ёшдан кичик фуқаролар жамоат транспортидан фойдалана олмайдилар;
  • меҳмонларни қабул қилиш, мавлудлар, кечалар ўтказиш, байрамларни, жумладан янги йилни нишонлаш тақиқланди;
  • кинотеатрлар йил охиригача ёпиқ бўлади. Шунингдек, сауна, ҳаммом ва лунапарклар ҳам ёпилади;
  • ўйин ва спорт майдончаларидан фойдаланиш тақиқланади. Мамлакатдаги барча спорт тадбирларини ҳозирги вақтдагидек томошабинларсиз ўтказишда давом этилади;
  • савдо марказларига фақат махсус код (HES) билангина кириш мумкин бўлади. Махсус код Туркия Соғлиқни сақлаш вазирлигининг электрон иловаси орқали олинади;
  • барча болалар боғчалари, тайёрлов синфлари ва бошқа болалар таълим муассасалари фаолияти тўхтатилади. Мактаб ўқувчилари ва талабалар учун масофавий ўқитиш 2020 йил охиригача узайтирилмоқда;
  • шифохоналар, ўт ўчириш хизматлари, полиция ва дорихоналар ҳар куни ҳеч қандай чекловларсиз ишлайди;
  • комендантлик соати вақтида фақат уйга етказиб бериш хизмати билан шуғулланувчи дўконлар, кафе ва ресторанлар ҳам ишлашни давом эттиради;
  • агар бирор кишида самолёт ёки поезд чиптаси бўлса, у аэропорт ёки темир йўл станциясигача етиб олиш учун шахсий ёки жамоат транспортидан фойдаланиши мумкин;
  • жамоат транспортидан фойдаланиш, савдо маркази, касалхона, давлат идораларига кириш учун HES коди талаб қилинади. Бу Туркия фуқароларига ҳам, мазкур мамлакатда яшаш ҳуқуқига (ikamet) эга бўлганларга ҳам тегишли;
  •  мунтазам равишда юз ниқобини тақиб юриш тартиби, ижтимоий масофани сақлаш ва вирусга қарши гигиеник қоидаларга амал қилиш, шунингдек, кўчада сигарет чекишга қўйилган тақиқ ўз кучида қолмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!