Туркия, Саудия Арабистони ва Покистон мудофаа соҳасида қўшма битим имзолайди

Туркия, Саудия Арабистони ва Покистон мудофаа соҳасида ҳамкорлик тўғрисидаги қўшма битимни имзолашни режалаштирмоқда, деб хабар беради Reuters вазиятдан хабардор минтақавий манбаларига таяниб.

Ҳужжатни имзолаш жума, 7 август кунига режалаштирилган. Агентлик келишувнинг аниқ тафсилотларини келтирмаган.

Аввалроқ Туркия президенти Ражаб Тоййиб Эрдўғон 7 август куни Саудия Арабистонига амалий ташриф билан бориши ҳақида хабар берилган эди. Покистон Бош вазири Шаҳбоз Шариф эса уч кунлик расмий ташриф билан пайшанба, 6 август куни Саудия Арабистонига учиб келган. Унга Покистон Қуролли Кучлари бош қўмондони фельдмаршал Осим Мунир ҳамроҳлик қилмоқда.