Трамп: Байден туфайли дунё учинчи жаҳон урушига яқин

АҚШ собиқ президенти Доналд Трампнинг айтишича, амалдаги давлат раҳбари Жозеф Байден ҳозирда энг яхши формада эмас. Бундай фикрни у Аёва штатидаги митингда нутқ сўзлаётиб билдирди.

"Байден ўзининг энг яхши чоғида ҳам ақлли эмас эди. У ҳозир энг яхши ҳолатида эмас", деди Трамп.

Американинг собиқ раҳбарининг сўзларига кўра, Байден "нима ҳақида гапираётганини билмайди", шунинг учун дунё "учинчи жаҳон урушига ҳар қачонгидан ҳам яқинроқ".

"Мен сизни бу урушдан узоқлаштираман ва буни кучсизлигимни эмас, балки кучимни намойиш этиш орқали бажараман", дея қўшимча қилди Трамп.

Шунингдек, Трамп Байден маъмуриятини заиф ташқи сиёсат юритаётганликда айблади.