Россия 9 майдаги Ғалаба парадини нишонлашга ҳақли эмас — Чехия

Россия президенти Владимир Путин тарихни атайлаб бузиб кўрсатишда давом этмоқда. Бу ҳақда 9 май куни Чехия бош вазири Петр Фиала маълум қилди.

Унинг сўзларига кўра, 9 май куни Ғалаба парадидаги нутқида Россия раҳбари “ёлғон маълумот тарқатишда давом этган ва тарих ҳамда бугунги кунни атайлаб бузиб кўрсатган” (Россиянинг Украинадаги асоссиз тажовузи). Шу билан бирга, у Путиннинг сўзлари “Ғарбнинг тажовузкорга қарши бирлашган ва ғайратли ҳаракатлари муҳимлигини тасдиқлади”, деб ҳисоблайди.

Ўз навбатида, Чехия Ташқи ишлар вазирлиги раҳбари Ян Липавский Россия Иккинчи жаҳон урушидан кейин ишлаб чиқилган БМТ Низомини бузганини ва шунинг учун унинг якунини нишонлашга маънавий ҳуқуқи йўқлигини айтди.