Қорақалпоғистонда кўлдаги қамишзор ёниб кетди
Маълум бўлишича, Қорақалпоғистоннинг Қўнғирот туманида жойлашган Судочье кўли ҳудудида 27 июль куни 15:00 атрофида ёнғин содир бўлган. Қўнғирот туман инспекцияси ва «Судочье-Ақпеткей» давлат буюртма қўриқхонасининг давлат инспекторлари воқеа жойига етиб борган.
Қайд этилишича, ёнғин содир бўлган ерда қамиш ўсади, ҳолат кўл ўртасида содир бўлгани сабабли уни ўчиришнинг иложи бўлмаган.
Таъкидланишича, ёнғин ҳаво ҳарорати аномал даражада кескин кўтарилиб, қаттиқ исиб кетиши сабабли келиб чиққан. Ҳолат юзасидан тегишли ҳужжатлар тайёрланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
