Порошенко Россия билан дўстликни бекор қилди

Украина президенти Пётр Порошенко Россия билан дўстлик ҳақидаги шартномани бекор қилиш тўғрисидаги фармонни имзолади. Бу ҳақда "Кун" хабар бермоқда.

Украина етакчиси матбуот хизматининг маълум қилишича, Порошенко ушбу ҳужжатни 17 сентябрь, душанба куни имзолаган.

Унга кўра Россия билан дўстлик, ҳамкорлик ва шериклик тўғрисидаги шартнома бекор қилинади.

Эслатиб ўтамиз, аввалроқ Порошенко Луганск узра Украина байроғини кўтаришга ваъда берганди.

Украина президенти Пётр Порошенконинг маълум қилишича, Киев Луганскка Украина байроғи қайтарилиши учун барча ишни қилади.