Олмалиқда аёл кишига тегажоғлик қилган шахс унинг ҳамроҳини ўлдириб қўйди

12 август куни Олмалиқ шаҳрида қотиллик юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилди.

Қайд этилишича, “Узумбоғ” дала ҳовлиси ҳудудида А.Б. исмли аёлга тегажоғлик қилган С.Х.ни аёлнинг ҳамроҳи бўлган И.П. тартибга чақирган. Бу ҳолатдан жаҳли чиққан С.Х. И.П.ни қўли билан урганида И.П. боши билан ерга йиқилган.

Натижада у етказилган тан жароҳатидан 13 август куни А.Б.нинг дала ҳовлисида вафот этган. С.Х. эса қўлга олинган.

Manba; kun.uz