НАТО Украинага ёрдамни «Трампга қарши» қилмоқчи

НАТО Украинага ёрдамни «Трампга қарши» қилмоқчи

Оқ уй раҳбари ўзгаришига олти ойдан сал кўпроқ вақт қолди. Сўнгги пайтларда Дональд Трампнинг яна АҚШ президенти бўлиши эҳтимоли катта.

У Россия ва Украина ўртасидаги урушни «24 соат ичида» тугатишини бир неча бор таъкидлаган. Бу у Украинани Қрим ва бошқа босиб олинган ҳудудларнинг бир қисмидан воз кечишга мажбурлашини англатиши мумкин, дейди манбалар. Акс ҳолда, мамлакат АҚШдан на қурол, на ёрдам олади.

Шу фонда Украинанинг НАТОдаги ҳамкорлари альянснинг ҳарбий ёрдамини Трампнинг унга таъсиридан ҳимоя қилишга ҳаракат қилмоқда. Берлиндаги халқаро алоқалар бўйича Европа кенгаши таҳлил марказидан ҳарбий эксперт Густав Гресселнинг тушунтиришича, Висбадендаги Америка бошчилигидаги қўмондонлик 2022 йил ноябридан бери Украинага қурол етказиб беришни мувофиқлаштириб келади.

14 июнь куни НАТО Бош котиби Йенс Столтенберг Трамп «эскирган» деб атаган ҳарбий альянс Украинага қурол етказиб беришни халқаро мувофиқлаштириш учун штаб очишини маълум қилди.

«Ҳозиргача НАТОга аъзо давлатлар ва саноат ихтиёрий равишда АҚШ бошчилигидаги қўмондонликни ўз таъминоти, етказиб бериш муддатлари ва ҳоказолар ҳақида хабардор қилган. Бу энди НАТО доирасида янада мажбурий ва институционал ҳолга келади», - дейди Грессел.


Унинг сўзларига кўра, НАТОнинг Украинага ҳарбий ёрдами «Трампдан ҳимояланган бўлиши керак».


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!