Мбаппе ЕЧЛ плей-оффида гол уриш бўйича Рауль ва Шевченкога етиб олди

Килиан Мбаппе Чемпионлар лигасининг плей-офф босқичида ўзининг 18-голини урди.

"ПСЖ" ҳужумчиси 1/8 финалда "Реал Сосьедад" билан жавоб учрашувида дубль қайд этди (2:1).

Бу Мбаппенинг Чемпионлар лигасидаги 46-голи ва плей-офф босқичидаги 18-голидир. У плей-оффда 18 тадан гол урган Рауль ва Андрей Шевченколарга етиб олди.

Турнирнинг ушбу босқичида фақатгина Криштиану Роналду (67), Лионель Месси (49), Карим Бензема (34), Роберт Левандовски (31) ва Томас Мюллер (27) кўпроқ гол уришган.