Мариупол аҳолисига ичимлик суви етишмаяпти — шаҳар мэри

Мариупол мэри Вадим Бойченконинг айтишича, Россия томонидан босиб олинган шаҳар аҳолиси ичимлик суви етишмаслиги туфайли ҳалок бўлиш арафасида. "Шаҳарда ҳали ҳам 100 мингдан ортиқ киши ичимлик сувига эга эмас”, — дейди шаҳар мэри.

Бойченконинг сўзларига кўра, энди рус ҳокимияти аҳолига ҳафтада бир марта сув беради, шаҳар аҳолиси эса сув олиш учун 4-8 соат навбатда туришади. Бундан ташқари, шаҳар электр энергияси, газ ва канализация тизимисиз қолмоқда.

Бойченко "яшил йўлак" очиб, одамларни қутқариш керак, деб таъкидламоқда.