Марадонанинг ўлими юзасидан суриштирув ишлари бошланди

Хориж / Жиноят
A A A
Марадонанинг ўлими юзасидан суриштирув ишлари бошланди

Аргентинада мамлакат терма жамоасининг собиқ футболчиси Диего Марадонанинг ўлими юзасидан суриштирув ишлари бошланди.

Нашр манбасининг айтишича, терговчилар Марадонанинг саломатлигини назорат қилган тиббиёт ходимларининг лоқайдликка йўл қўйганлиги ҳолатига аниқлик киритмоқчи. Ҳукумат спортчи вафот этган куни уни эрталаб уйғотмаган ҳамширанинг ҳаракатини шубҳа остига олган. Ҳамшира эрта тонгда Марадонага дори бериши керак бўлса-да, унинг хонасига соат 11ларда психолог ва психиатр билан бирга кириб келган.

26 ноябрь куни Диего Марадонанинг адвокати Матиас Морла тез ёрдам шифокорларини жиноий лоқайдликда айблаганди. Унинг сўзларига кўра, шифокорлар 30 дақиқада етиб келган.

Диего Марадона 25 ноябрда 60 ёшида ҳаётдан кўз юмди. Дастлабки маълумотларга кўра, унинг ўлимига юрак хуружи сабаб бўлган. Футболчининг вафоти туфайли Аргентинада 3 кунлик мотам эълон қилинган.

Киритилди: 07:30 28.11.2020. Ўқилди: 2142 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!