Лондонда россиялик тадбиркор ҳибсга олинган
Британия полицияси Лондонда пул ювишда айбланаётган 58 ёшли россиялик тадбиркорни ҳибсга олди. Бу ҳақда The Independent газетаси жиноятчиликка қарши кураш миллий агентлиги баёнотига таяниб ёзмоқда.
Нашрнинг ёзишича, исми ошкор этилмаган тадбиркор Лондондаги уйида ушланган.
“РИА Новости”нинг мақолага таяниб ёзишича, тадбиркор нафақат пул ювишда, балки ёлғон гувоҳлик бериш орқали Буюк Британия Ички ишлар вазирлигини алдаш учун тил бириктирганликда ҳам айбланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
