Даҳшат! Туркиялик футболчи 5 яшар ўғлини бўғиб ўлдирди

Даҳшат! Туркиялик футболчи 5 яшар ўғлини бўғиб ўлдирди

"Бурса Йилдирим Спор" ҳаваскорлар клуби таркибидаги турк футболчиси Цевхер Токташ беш ёшли ўғлини ўлдирганини тан олди. Бу ҳақда Daily Sabah хабар бермоқда.

Туркия Суперлигаси клубларидан бирининг собиқ ўйинчиси ўғлининг ўлимидан 11 кун ўтгач, қилмишини тан олди. Токташнинг ўғли CОВИД-19 шубҳаси билан касалхонага ётқизилганди. 32 ёшли спортчи бола йўталиб, иситма бошлаганидан кейин шифокорларни чақириб, у билан бирга касалхонага йўл олганди.

23 апрель куни футболчи ўғлининг нафас олишида муаммолар борлигини айтиб, шифокорларни палатага чақиради. Шифокорлар боланинг ҳаётини сақлаб қола олмайдилар. Коронавирус инфекцияси билан оғриган беморларга хос бўлган аломатларни ҳисобга олган ҳолда, шифокорлар ушбу касаллик болакайнинг ўлимига сабаб бўлган деб ҳисоблашади. Токташнинг ўзи эса кейинчалик полицияга мурожаат қилиб, айбига иқрор бўлган.

Футболчининг айтишича, у ўғлини палатада ёлғиз қолганда ёстиқ билан бўғиб ўлдирган. Эркак буни фарзандини ҳеч қачон яхши кўрмагани билан изоҳлади. Ўз навбатида отада руҳий жиҳатдан муаммо борлиги тасдиқланмади.

Полиция Токташни ҳибсга олди — спортчи қотиллик учун суд қилинади. У умрбод қамоқ жазосига ҳукм этилади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!