Чирчиқда итни қийноққа солган шахс 3 млн 80 минг сўм жаримага тортилди

Ҳайвонларни муҳофаза қилиш жамияти — “Меҳр ва оқибат” аризасига кўра, профилактика инспектори ҳуқуқбузарга нисбатан ушбу жазони белгилаган.

Бироқ шафқатсизлик вояга етмаган бола кўз ўнгида содир этилгани сабабли, ташкилот ушбу қарор устидан шикоят қилмоқчи.

Мақсад — ҳуқуқбузарга оғирроқ жазо, яъни 11,4 млн сўмгача жарима ёки 15 суткалик қамоқ тайинланишига эришишдир.