АҚШдаги табиий газ омборида катта ёнғин содир бўлди

Оклахома штатининг Гленпул шаҳрида суюлтирилган табиий газ омбори ёниб кетди.

Fox 23 телеканалининг хабар беришича, Оклахома транспорт департаменти ёнғинни қайд этган.

Ҳодиса туфайли мактаблар вақтинча ёпилди ва яқин атрофдаги ҳудудларда транспорт ҳаракати чекланди.

Гленпул давлат мактабларида уйда қолиш буйруғи жорий этилди. Ўқувчилар ва ходимлар уйда қолишмоқда ва расмийлар барча ўқувчилар хавфсиз эканлигини таъкидладилар.

Полиция Fox 23 телеканалига ҳозирда жароҳатланганлар ёки ёнғин бошқа биноларга тарқалиши ҳақида хабарлар йўқлигини маълум қилди.