АҚШда ўтган йил майда содир бўлган ишга суд ҳукми ўқилди

Оқ танли собиқ полициячи Дерек Шовин ўтган май ойида, Миннеаполисда содир бўлган қора танли Жорж Флойднинг ўлимида «иккинчи даражали қотиллик, учинчи даражали қотиллик ва одам ўлдиришда» айбдор деб топилди.

Жаноб Шовин жаноб Флойднинг бўйнига тўққиз дақиқадан кўпроқ вақт давомида тиззасини қўйиб, ерга босиб тургани видеога олинган; қотиллик бир неча ойлик норозилик намойишларини келтириб чиқарди. Уч ҳафталик суд жараёнидан сўнг, ҳакамлар ҳайъати 10 соат атрофида муҳокама қилишди. Яқин ҳафталарда, жаноб Шовинга қамоқ жазосининг вақти борасида суд ҳукми берилади. У максимум 40 йилгача бўлиши мумкин.