АҚШ Хитойга тегишли компанияларнинг қора рўйхатини эълон қилди

АҚШ Хитойга тегишли компанияларнинг қора рўйхатини эълон қилди

АҚШ ва Хитой ўртасидаги савдо уруши янги босқичга чиқмоқда. Энди АҚШ Савдо вазирлиги уйғурларни жиноий жавобгарликка тортиш ва оммавий қирғин қуроллари устида иш олиб боришда айблаб, бир қатор Хитой ташкилотларини қора рўйхатга олди.

АҚШ Савдо вазирлиги Хитойнинг 33 та компанияси ва ҳукумат ташкилотларининг қора рўйхатини эълон қилди. Тегишли санкциялар рўйхати 22 май, жума куни вазирлик веб-сайтида пайдо бўлган.

Уйғур ва бошқа мусулмон озчиликларга қарши "қатағон ва оммавий ноқонуний ҳибсга олиш кампаниясида" қатнашган саккизта компания ва ХХР Ижтимоий хавфсизлик вазирлигининг суд-тиббиёт институти, шулар жумласидан. Америка Қўшма Штатлари бошқа компания ва ташкилотларни мамлакатнинг миллий хавфсизлигига ва оммавий қирғин қуролларини яратишга таҳдид солувчи фаолиятда гумон қилмоқда.

Қора рўйхатга олинган барча компанияларга АҚШдан товарлар ва технологияларни экспорт қилиш тақиқланган.

АҚШ-Хитой таранглиги Дональд Трампнинг Хитой ҳукуматини пандемияни яширганликда айблаганидан сўнг янада кучайган.

Бутунхитой халқлари Конгресси вакили Чжан Есуи, жума куни Хитой парламентининг йиллик сессиясининг очилишида, агар АҚШ Конгресси шу сабаблар баҳонасида Хитойга қарши санксияларни қўлласа, Қўшма Штатларга "қасос" олиш билан таҳдид қилди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!