8 июль санасида содир бўлган муҳим тарихий воқеалар
Мил.авв. 52 йил— Париж шаҳрига асос солинган;
1497 йил— Васко да Гама бошчилигида Европадан Ҳиндистонга биринчи денгиз экспедицияси Лиссабондан сузиб кетган;
1573 йил —француз католиклари ва гугенотлар ўртасидаги 4 йиллик уруш якунланган;
1654 йил —АҚШга илк яҳудий Яков Барсимсон келган;
1709 йил — Шимолий урушда энг йирик Полтава жанги бўлиб ўтган;
1777 йил— Вермонт қулликни бекор қилган биринчи давлат бўлган;
1796 йил— АҚШ Давлат департаменти биринчи марта АҚШ фуқароси паспортини чиқарган;
1853 йил— Япония йил охиригача Америка билан савдо алоқаларини ўрнатишини талаб қилган америкалик командор Метью Перри Токио кўрфазига етиб келган;
1901 йил—Францияда автомобиллар учун тезлик чекланиб, соатига 10 кмни қилиб белгиланган;
1916 йил —Туркистон ва дашт минтақалари аҳолисини фронт ортидаги мажбурий меҳнатга сафарбар этиш тўғрисида фармон эълон қилингач, Самарқанд ва бошқа шаҳарларда, шунингдек, қозоқлар орасида оммавий қўзғолонлар авж олган;
1920 йил — Шарқий Африкадаги инглиз мустамлакаси номи Кения деб ўзгартирилган;
1922 йил—дунёда биринчи марта собиқ Ходинское аэродромида қишлоқ хўжалиги зараркунандаларига қарши курашиш учун авиациядан фойдаланиш бўйича тажрибалар ўтказилган;
1944 йил — СССРда Қаҳрамон она унвони жорий этилган;
1958 йил—урушдан кейин биринчи маротаба немис вертолёти ўзининг илк парвозини амалга оширган;
1969 йил — Вьетнам уруши: АҚШ қўшинларини Жанубий Вьетнамдан олиб чиқиш бошланган ва уч ярим йил ўтиб тугаган;
1972 йил — АҚШ президенти Никсон СССР 3 йил ичида 750 миллион долларлик Америка донини сотиб олишини эълон қилган;
1992 йил— ЎзФА қошида Илмий ишланмаларни ички ва ташқи бозорда тарғиб этувчи инновация тижорат маркази ташкил этилган.