Златан Ибрагимович қанча вақтга сафдан чиқди?

Златан Ибрагимович қанча вақтга сафдан чиқди?

«Милан» футбол клуби ҳужумчиси Златан Ибрагимович келаётган тўртта ўйинда миланликларга ёрдам беролмайди, дея хабар қилмоқда Football Italia.

Швециялик футболчи А Серия доирасида 28 февраль куни «Рома»га қарши кечган баҳсда жароҳат олиб, майдонни тарк этганди. Унинг чап оёғи болдир мушакларида муаммо борлиги маълум бўлди.

39 ёшли футболчи ўн кундан кейин яна тиббий кўрикдан ўтади. Ўшанда тикланишга қанча вақт кетиши аниқ бўлади.

Айрим манбаларга кўра, Златан камида ўн кун майдонга тушмайди ва «Удинезе» (3 март, А Серия), «Верона» (7 март, А Серия), «Манчестер Юнайтед» (11 март, Европа Лигаси), «Наполи» (14 март, А Серия) жамоаларига қарши ўйинларда иштирок эта олмайди.

39 ёшли ҳужумчи А Серия 2020/21 йилги мавсумида 14 та ўйин ўтказиб, 14 та гол урди.

Шунингдек, римликларга қарши ўйинда жароҳат олган яна бир футболчи Хоқон Чалхонўғлу «Удинезе»га қарши баҳсни аниқ ўтказиб юборади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!