Зеленский: Украинага 67 та ракета учирилди
Президент Владимир Зеленский ўз мурожаатида Россия бугун Украинага 67 та ракета учиргани ҳақида айтди.
«Бугун Европарламент Россияни террорчи давлат деб тан олди. Ниҳоят, барча европалик парламентарийларга раҳмат. Кейин эса Россия бизнинг инфратузилмамизга, энергиямизга, оддий одамларга 67 та ракета қўллаш орқали буларнинг барчаси ҳақиқат эканлигини исботлади. Натижа аянчли - ярадорлар кўп, ўлганлар бор», - деди Украина президенти.
Ўққа тутилгандан сўнг, Харков, Чернигов ва Хмелницкий вилоятининг катта қисми тўлиқ қувватсизланди. Энергетика вазирлиги маълумотларига кўра, Украинадаги барча атом электр станциялари ва кўпгина иссиқлик электр станциялари ва гидроэлектр станциялари ҳам қисман қувватсизланган.
Украина Қуролли Кучлари Бош штаби бироз аввалроқ Украина ҳудудига Х-101, Х-555 ва Калибр русумли 70 та қанотли ракета учирилгани ва улардан 51 таси Украина ҳаво ҳужумидан мудофаа тизимларини уриб туширгани ҳақида хабар берган эди.
«Учиришлар Волгодонск, Ростов вилояти ва Каспий денгизидан 10 та Ту-95мс ракета ташувчи самолётлардан, шунингдек, Қора денгиздан иккита кичик ракета кемасидан амалга оширилди», — дейилади хабарда.
