Зеленский Тимошенкони лавозимидан озод қилди

Влaдимир Зеленский Президент девони раҳбари ўринбосари Кирилл Тимошенкони ишдан бўшатди. У аввалроқ ўзининг Телеграм каналида истеъфога чиқишни сўраб баёнот ёзган эди.

"Тимошенко Кирилл Владленович тақдим этилган аризага кўра Украина Президенти девони раҳбари ўринбосари лавозимидан озод этилсин", — деб фармондан иқтибос келтиради "Украинская правда".

Зеленский ҳам, Тимошенко ҳам Украина оммавий ахборот воситалари томонидан эълон қилинган истеъфо сабабини ҳали тушунтирмаган.