Зеленский Қрим ва Донбасс масаласини ҳал қилиш зарурлигини еълон қилди
Украина президенти Владимир Зеленский Қрим ва Донбасс ҳамма учун оғир воқеа эканлигини ва бу масала Украина хавфсизлик кафолатларини олгандан кейин ҳал қилиниши кераклигини таъкидлади. Шу билан бирга, у Россия президенти Владимир Путин билан ушбу ҳудудларни муҳокама қилишга тайёрлигини маълум қилди, деб ёзади “РИA Новости”.
Давлат раҳбарининг сўзларига кўра, Россия ва Украина ўртасидаги муросага эришиш учун хавфсизлик кафолатлари биринчи ўринда туради.
"Ишонаманки, бу ҳамма учун - Қрим учун ҳам, Донбасс учун ҳам жуда қийин воқеа. Ва у ерда қандайдир йўл топиш учун сиз биринчи қадамни қўйишингиз керак, мен айтганим - хавфсизлик кафолатлари, урушнинг тугаши. Шу билан бирга, биз вақтинча босиб олинган ҳудудлар масалаларини ҳал қилишимиз лозим".
Владимир Зеленский,Украина президенти
Зеленскийнинг сўзларига кўра, бу ҳамма учун оддий муроса: НAТО масаласида Украина билан нима қилишни билмайдиган Ғарб учун, хавфсизлик кафолатларини олмоқчи бўлган Украина учун ва НAТО кенгайишини истамайдиган Россия учун.
