Зеленский: "Мен Путин билан гаплашишга тайёрман"

Украина президенти Владимир Зеленский Россия президенти Владимир Путин билан воситачиларсиз ва мулоқот шартлари бўйича музокаралар ўтказишга тайёрлигини маълум қилди

"Мен Путин билан гаплашишга тайёрман. Лекин фақат у билан. Унинг ҳеч қандай воситачисисиз. Шунингдек, ултиматум шартлари бўйича эмас, мулоқот шартлари бўйича", — деди Зеленский.

Шу билан бирга, Зеленский Путин билан музокаралар масаласи кундан-кунга мураккаблашиб бораётганини таъкидлаб, Украина жамияти Украина ва Россия президентлари ўртасидаги музокаралар мавзусига салбий муносабатда эканини қўшимча қилди.