Зеленский 4 йил олдинги қотиллик ҳақида: "Бу Украина учун шармандалик"

Зеленский 4 йил олдинги қотиллик ҳақида: "Бу Украина учун шармандалик"

Украина Президенти Влодимир Зеленский ҳуқуқ-тартибот идоралари журналист Павел Шереметнинг ҳақиқий қотиллари, ташкилотчилари ва буюртмачиларини топиш учун ҳамма нарсани қилишлари кераклигини айтди ва бу жиноятни "Украина учун шармандалик" деб атади. Бу ҳақда у Facebook'даги саҳифасида ёзган.

"Бугун Павел Шеремет ўлдирилганига тўрт йил тўлди. Белорусь, Россия ва Украинада у демократия, инсон ҳуқуқлари ва эркинликлари учун курашган. Aввало, фуқаронинг эркин фикрлаш ва сўзлаш ҳуқуқи учун. Расмийларнинг вазифаси ҳалол, ошкора ва фуқаролар олдида жавобгар бўлишдир", – деб ёзди Зеленский.

Унинг қўшимча қилишича, Шереметнинг ўлдирилиши барча мустақил оммавий ахборот воситалари ва журналистлар учун йўқотишдир.

Зеленскийнинг таъкидлашича, иш бутун Украина жамияти томонидан жиддий назорат остида. Президент ушбу жиноятчилар ва буюртмачиларни дунёга намойиш этиш муҳимлигини таъкидлади.

Маълумот учун, Шеремет 2016 йилда Киевда автомобиль портлаши натижасида вафот этган. Уч йилдан сўнг Донбассдаги ҳарбий ҳаракатлар фахрийлари ва кўнгиллилар қотилликда айбландилар. Тергов маълумотларига кўра, улар Украинадаги вазиятни издан чиқаришни хоҳлашган. Жиноят содир этишда гумон қилинганлардан ҳеч бири айбни тан олмади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!