Юртимизнинг айрим жойларида кучли шамол кузатилиши мумкин
Гидрометеорология хизмати агентлиги томонидан берилган маълумотга кўра, жорий йилнинг 31 январь ва 1-2 февраль кунлари Ўзбекистон ҳудудига Ўрта ер денгизи ҳудудларидан нам ва нисбатан илиқ ҳаво массалари кириб келиши кутилмоқда.
31 январь ва 1-2 февралда республика бўйича баъзи жойларда шамол тезлиги 15-20 м/с гача кучайиши кутилмоқда.
1-2 февралда Навоий, Самарқанд, Жиззах вилоятларининг айрим жойларида шамол тезлиги 25-28 м/с гача кучайиши мумкин.
31-январ ва 1-2 февралда республика бўйича вақти-вақти билан ёғингарчилик асосан ёмғир кўринишида бўлади, шунингдек,
Самарқанд, Жиззах, Тошкент вилоятларида 1-2 феврал кунлари баъзи жойларда ёғингарчилик кучли бўлиши кутилмоқда.
Республиканинг тоғ олди ва тоғли ҳудудларида ёғингарчилик (ёмғир, қор) кучли бўлади.