Яқин 5 йилда дунёни жазирама кутмоқда
Дунё бўйича ўртача йиллик ҳарорат кейинги ҳар беш йилда ХIХ асрнинг иккинчи ярмидаги даражадан камида бир даражага юқори бўлади. Бундан ташқари, бир йил ичида ҳарорат ошиши 1,5 даражага етиши мумкин. Бу ҳақда Бутунжаҳон метеорология ташкилотига асосланиб, “РИA Новости” хабар бермоқда.
Мутахассисларнинг таъкидлашича, сўнгги беш йил давомида энг иссиқ рекорд қайд этилди. Мутахассисларнинг фикрига кўра, асосий вазифа – бу асрнинг охирига қадар саноатдан олдинги даврга нисбатан икки даражадан кўпроқ исишнинг олдини олиш. Ташкилот учун максимал мақсад унинг 1,5 даражадан ошиб кетишининг олдини олишдир.
Хабарларга кўра, коронавирус пандемияси туфайли карбонат ангидрид чиқиндиларининг камайишини иқлимни нормаллаштириш бўйича узоқ муддатли келишилган чора-тадбирлар билан тенглаштириб бўлмайди. "Aтмосферада CО2 узоқ вақт бўлганлиги сабабли CО2 концентрациясининг пасайишига олиб келмаслиги кутилмоқда, бу глобал ҳарорат кўтарилишининг асосий сабаби эканлиги таъкидланди.
Шунингдек, коронавирус пандемиясининг глобал иқтисодиётга салбий таъсирига қарамай, ҳукуматлар иқлим ўзгариши бўйича чора-тадбирларни тиклаш дастурларига киритиши кераклиги айтиб ўтилди.
