Япониялик олимлар доимий иммунитет берувчи вакцинани яратишмоқда

Япониялик олимлар доимий иммунитет берувчи вакцинани яратишмоқда

Вакцина устида Токио тиббиёт фанлари институти олимлари ишлашмоқда. Вакцина асоси сифатида мутахассислар XVIII асрда ишлаб чиқилган, вируснинг зарарсиз вариантини ўз ичига олган чечакка қарши вакцинани олишди.

Олимлар коронавируснинг бириктирувчи оқсилини ўз ичига олган чечак вакцинасининг рекомбинант вирусини яратишга умид қилмоқдалар. Бундай ёндашув COVID-19'га қарши доимий иммунитетни шакллантиришга ёрдам беради.

Сичқонлар устида тажриба ўтказиб кўрилди. Уларга парранда гриппи генини ўз ичига олган рекомбинант чечак вакцинаси вируси юборилди. Натижалар жониворларда 20 ойдан ортиқ вақт давомида сақланиб қолган юқори даражадаги антитаначалар пайдо бўлганлигини кўрсатди.

Вакцина муаллифлари бундай вакциналарнинг юқори самарадорлиги, ножўя таъсирларининг камлиги ва уларни ташиш ва сақлаш махсус шартларни талаб этмаслигини таъкидлаб ўтишди.

Дастлабки маълумотларга кўра, клиник синовларни Япониянинг Nobelpharma дори ишлаб чиқариш компанияси 2023 йилда ўтказади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!