Япониялик фуқаро чегарада қўлга олинди. У жосус эканлиги айтилмоқда

Молдова билан чегарада чегарачилар Япония фуқаросини қўлга олдилар. У яширинча жосуслик асбобларини Молдовага олиб ўтмоқчи бўлди, деб хабар беради Давлат чегара хизмати матбуот хизмати.

"Оддий автобус йўловчиси - Япония фуқароси "Паланка" назорат-ўтказиш пункти орқали ўтаётганди. Божхона ходимлари билан ўтказилган қўшма текширув чоғида чет эл фуқаросидан жосуслик ускуналари топилган: икки жуфт кўзойнак, иккита қалам ва соат. Уларга яширин камералар ва махсус флешкалар ўрнатилганди", дейилади хабарда.

Қайд этилишича, ушбу факт бўйича ваколатли органларга хабар берилган. Чет эл фуқаросига чегарадан ўтишга рухсат берилмаган, техник воситалар белгиланган тартибда олиб қўйилган.