Япония Шимолий Кореяга ракета учирилишига қарши норозилик билдиришда давом этмоқда

Япония Мудофаа вазирлиги дипломатик каналлар орқали КХДРга ракета учирилиши муносабати билан норозилик билдирди.

“Биз дипломатик каналлар орқали Шимолий Кореяга ракета учирилиши муносабати билан норозилик билдиргандик”, — дея Япония мудофаа вазири ўринбосари Тоширо Ино сўзларидан иқтибос келтирган РИА Новости.

Япония ҳарбий департаменти тахминига кўра, Шимолий Кореянинг иккита ракетаси 350 дан 400 км гача учган.

Аввалроқ Жанубий Корея КХДР томонидан учинчи кун кетма-кет Япон денгизи томон ракета учирилиши қайд этилгани хабар қилинганди.