Япон олими антиқа телевизор яратди: сиз экранни ялаб, унда кўрсатилаётган таомнинг таъмини ҳис қиласиз (ВИДЕО)

Япон олими антиқа телевизор яратди: сиз экранни ялаб, унда кўрсатилаётган таомнинг таъмини ҳис қиласиз (ВИДЕО)

Япониялик олим Мэйдзи Миясита унда тасвирланган таомнинг таъмини етказа оладиган телевизор экрани прототипини яратди. Бу ҳақда 23 декабрь, пайшанба куни Реутерс агентлиги маълум қилди.

Токиолик профессор ва унинг 30 нафар талабадан иборат жамоаси ихтироси “Телевизорни татиб кўринг” деб номланди. Хоҳловчилар, агар улар экранда кўрсатилган вақтда уни яласа, таомнинг таъмини ҳис қилишлари мумкин. Бунда улар ўзлари ёқтирган таомларга буюртма беришлари мумкин.

Технологиянинг моҳияти шундан иборатки, телевизорга хушбўйлаштирувчи ўнта кичик идиш ўрнатилган бўлиб, улар телекўрсатув сюжетига қараб суюқликни бир вақтнинг ўзида керакли комбинацияда пуркайди. Яратилган лаззат аралашмаси кейин телевизор экранидаги гигиеник плёнкага берилади.

"Бизнинг вазифамиз одамларга худди уйда қолиб, дунёнинг нариги томонидаги ресторанда овқатланаётгандек туйғуни бошдан кечиришларига имкон беришдир", деб тушунтирди Мисшита ва коронавирус пандемиясида бу технология айниқса қимматли эканлигини таъкидлади.

Ихтиронинг бозорга киргандан кейин нархи, олимнинг фикрича, тахминан 875 долларни ташкил қилади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!