Янги Зеландияда сёрфингчига катта оқ акула ҳужум қилди

Янги Зеландиянинг Даргавилл шаҳрида дам олаётган сёрфингчи катта оқ акула ҳужумига учради, деб хабар беради The New Zealand Herald.

Йиртқич унинг бир нечта жойини тишлаб олган. Эркак жароҳатларга қарамай сувдан мустақил равишда чиқиб олган. Нотаниш ҳайдовчи уни ўз машинасида керакли манзилга элтиб қўйган, шундан сўнг сёрфингчи вертолётда шифохонага олиб кетилган.

«Акула сёрфингчининг билаги, қўл панжаси ва лабидан тишлаб олган. Сезиларли оғриқ бўлган, ҳатто бироз қон кетган», — дейди қутқарув бригадаси бошлиғи Майкл Росс.

Сёрфингчи ўзига айнан қандай балиқ ҳужум қилганини эслолмайди, бироқ мутахассисларнинг фикрича бу катта оқ акула эди. Жароҳатларнинг кўриниши, жабрланувчининг танасидаги тиш излалари ҳам бундан далолат бермоқда.

Manba: daryo. uz