Янги айблов: Хитой коронавирусга қарши дори яратилишига тўсқинлик қилмоқда
AҚШнинг республикачи сенатори Рик Скотнинг айтишича, Хитой Ғарбда коронавирус вакцинаси яратилишига тўсқинлик қилмоқда. АҚШда бунга далил бор. Бу ҳақда "интерфакс" хабар берди.
"Биз вакцинани яратишимиз керак. Aфсуски, Хитой ишимизни тўхтатишга ёки секинлаштиришга ҳаракат қилмоқда", – деди у ББC билан суҳбатда.
Сиёсатчининг сўзларига кўра, Хитой AҚШ вакцинани биринчи бўлиб яратишини истамайди. Сенатор АҚШда қандай далиллар бор, деган саволга жавоб бермади.
Шу билан бирга, Хитой Халқ Республикаси Фан ва технологиялар вазири Ван Чжиган якшанба куни бўлиб ўтган брифингда Хитой келажакда CОВИД-19 вакцинасининг клиник синовларида, уни ишлаб чиқиш бўйича мавжуд ҳамкорликка асосланиб, халқаро ҳамкорликни кучайтиришини таъкидлаганди.
"Вакцинани ривожлантириш янги коронавирусни енгишга қаратилган ҳаракатларимиздаги асосий стратегия бўлиб қолмоқда", – дея таъкидлади вазир.
