Яна бир давлатнинг танқиди: “Россия Навальний бўйича жиддий саволларга жавоб бериши керак”

Яна бир давлатнинг танқиди: “Россия Навальний бўйича жиддий саволларга жавоб бериши керак”

Шу кунларда мухолиф Алексей Навальнийнинг заҳарланиши ортидан Россия ҳукумати кўп танқидларга дуч келмоқда. Навальний бир неча ҳафта олдин Россияда оғир аҳволга тушиб касалхонага ётқизилган, кейинчалик эса даволаш учун Германияга олиб келинганди. Немис шифокорлари унга заҳарланиш ташхисини қўйишди ва унинг тузалиб кетишига узоқ муддат кетишини айтишди. Айни пайтда Навальний Берлиндаги касалхонада кома ҳолатида қолмоқда.

Навальний рус ҳукуматининг таниқли мухолифатчиси бўлгани учун унинг заҳарланиши кўпчилик давлатларнинг диққат-марказида турибди. Масалан, ўтган ҳафтада Германия канцлери Россиядан Навальнийнинг заҳарланганини текшириб, айбдорларни жазолаш кераклигини таъкидлаганди. 6 сентябрь куни Буюк Британия ҳам Навальний бўйича кескин баёнот берди.

“Россия ҳукумат танқидчиси бўлган Алексей Навальнийнинг «Новичок» моддаси билан қай тарзда заҳарланганини тушунтириб бериши керак. Айни дамда аниқ нарса шуки, Россия Навальний бўйича жуда жиддий саволларга жавоб бериши даркор” деди Буюк Британия ташқи ишлар вазири Доминик Рааб.

Раабнинг қўшимча қилишича, ушбу жиноятга ҳукумат томонидан бирор киши ёлланганми ёки йўқ, лекин, ўз ҳудудида кимёвий қуроллар ишлатилмаслигига кафолат бериш Россиянинг мажбуриятидир.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!