ХХI асрнинг 25 та энг яхши актёрлари маълум қилинди

“New York Times” газетаси ХХI асрнинг 25 та энг яхши актёрлари рўйхатини тузди.

Унга кўра, биринчи ўринни америкалик актёр Дензел Вашингтон эгаллади.

«У Шекспир ва Август Уилсонни, ёвузлару қаҳрамонларни ҳам гавдалантира олади. Бундан ташқари, у оддий йигитларни ўйнашда ҳам зўр», деб ёзган NYТ.

Иккинчи ўрин "У" ва "Пианиночи қиз" фильмларида ўйнаган француз актрисаси Изабель Юппер, учинчи ўрин эса "Оскар" мукофоти совриндори британия-ирландиялик актёр Дэниэл Дэй-Льюисга насиб этди. Кучли бешталикка актёр Кеану Ривз ва актриса Николь Кидман якун ясади.

Шунингдек, ушбу рейтингдан кореялик актёрлар Ким Мин Хи ("Хизматкор") ва Сон Кан Хо ("Паразитлар"), италиялик Тони Сервилло ("Буюк гўзаллик"), "Бевалар" юлдузи Виола Девис, актриса Сирша Ронан ("Кичкина аёллар", "Леди Берд") ва "Жокер" фильмида рол ўйнаган Хоакин Феникс ҳам ўрин олди.

Соня Брага, Маҳершала Али ва Гаэль Гарсиа Берналь эсарейтингнинг сўнгги қаторларида қайд этилди.