«Худо Трампни ҳалок қилсин»

«Худо Трампни ҳалок қилсин»

Исроилнинг босиб олган Ғарбий соҳилида зайтун дарахти тагида ўтирган Муфтия Тлаиб, Америка Қўшма Штатлари президентининг яқинда унга қилган эътиборини инобатга олмади.

«Худо уни ҳалок қилсин», дейди у.

Муфтия Тлаиб – бу АҚШ Конгресси Демократ вакили Рашида Тлаибнинг бувиси. Рашида Тлаиб Дональд Трамп ва Исроил Бош вазири Биньямин Нетаньяхуни сиёсатига қарши чиқувчи мусулмон аёл.

Пайшанба куни Трампнинг босими остида Исроил дастлаб Рашида Тлаиб ва унинг Демократик ҳамкасби Илҳан Умарнинг ташрифини тақиқлаган эди.

Эртаси куни Исроил Тлаибни Ғарбий Соҳилдаг оиласининг олдига  боришига рухсат беришини айтди, аммо Тлаиб Исроил томонидан уни камситишга қаратилган чекловлар киритганини айтиб, таклифни рад этди.

Жума оқшомида Трамп твит ёзди:

"Тлаиб бувиси ҳузурига ташриф буюришни истаб Исроил расмийларига хат ёзди. Рухсат тезда берилди, шундан сўнг Тлаиб ташрифдан воз кечди. Бу ерда ягона ҳақиқий ғолиб Тлаибнинг бувиси. Энди у уни (Рашидани) кўришга ҳожат йўқ!"

Байт Ур-ал-Фуқа қишлоғида ўз боғида ўтирган тўқсон ёшли муфтия Тлаиб бу сўзларни эшитиб қаттиқ ранжиди. «Трамп менга Рашида келмаганидан хурсанд бўлишим кераклигини айтмоқда. Худо уни хароб қилсин», деди у.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!