Хорватия ҳам Швеция ва Финляндияни НАТОга киришига қаршилик қилмоқчи

Хорватия ҳам Швеция ва Финляндияни НАТОга киришига қаршилик қилмоқчи

Хорватия Президенти Зоран Миланович Туркиядан кейин Швеция ва Финляндиянинг НАТОга аъзо бўлиш учун аризаларини кўриб чиқиш жараёнига тўсқинлик қилиш истагини билдирди. Бу ҳақда “Associated Press” хабар бермоқда.

Айни пайтда агентлик Миланович Бош вазир Андрей Пленкович билан ҳам шу масала бўйича ҳам, бошқа қатор масалалар бўйича ҳам “қаттиқ тортишув ҳолати”да эканини таъкидлайди.

Миланович, хусусан, Хорватия ҳукумати Швеция ва Финляндиянинг НАТОга аъзолиги масаласини кўриб чиқишдан олдин, Босния ва Герцеговина билан боғлиқ муаммони ҳал қилиши керак, деб ҳисоблайди. Президентнинг сўзларига кўра, Загреб босниялик хорватларга мамлакат бошқарувида юқори лавозимларни эгаллашига кўпроқ имконият бериш учун мамлакатда қонунчиликни ўзгартиришга мажбур қилиши керак.

Босния ва Герцеговина федерал давлат бўлиб, унга Босния ва Герцеговина Федерацияси (шунингдек Мусулмон-Хорват федерацияси деб ҳам аталади) ва Серб Республикаси киради. Мамлакат раҳбарияти асосий диний ва этник гуруҳларнинг учта вакили - босниялик мусулмонлар, католик хорватлар ва православ серблардан иборат президиум томонидан таъминланади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!