Хоразмлик ўқитувчи ўқишга киритиш учун олинган поранинг ярмини Тошкентдаги ҳамкасбига берди

Хоразмлик ўқитувчи ўқишга киритиш учун олинган поранинг ярмини Тошкентдаги ҳамкасбига берди

Хоразмда 6000 доллар билан қўлга тушган ўқитувчидан 3500 доллар олган университет ўқитувчиси Тошкентда ушланган.

Бош прокуратура ҳузуридаги Департаментнинг Ҳазорасп туман бўлими томонидан ўтказилган тезкор тадбирда, тумандаги мактаб ўқитувчиси бир фуқаронинг қизини танишлари орқали ўқишга киритиб қўйиш эвазига 6 000 доллар олган вақтида ашёвий далил билан ушланган.

Ўқитувчининг кўрсатмаларига асосан ходимлар тезкор тадбирни Тошкентда давом эттиришган. Натижада Ўзбекистон давлат жисмоний тарбия ва спорт университети ўқитувчиси хоразмлик ўқитувчидан 3 500 доллар олган вақтида ашёвий далил билан ушланган.

Ҳолатлар юзасидан Жиноят кодексининг 168-моддаси ва 28, 211-моддаси билан жиноят ишлари қўзғатилиб, тергов ҳаракатлари ўтказилмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!