Хоразмлик қизни калтаклаган тўда ҳақида тафсилотлар пайдо бўлди
Ижтимоий тармоқларда номаълум аёллар Хоразмда ёш қизчани самосуд қилган видео тарқалган эди. Номаълум эркак томонидан суратга олинган видеода бир гуруҳ аёллар ёш қизнинг сочларини қандай кесиб ташлагани ва уни таёқ билан зўрлашга уринаётганини кўриш мумкин. Ҳолатни видеога олган эркак бошқаларни вазиятга аралашмасликка ундайди. Видео ижтимоий тармоқларда ғазабга сабаб бўлди.
Репост маълум қилишича, воқеа 9-июн куни кечқурун Хоразм вилояти Кушкўприк туманида юз берган. Маълум бўлишича, воқеа қурбони (20 ёшли қиз) видеода иштирок этган аёллардан бирининг ўғли билан 2016 йилдан бошлаб бирга яшаб келган. Уларнинг фарзанди ҳам бор.
Шу билан бирга, йигитнинг онаси ва бир неча шериклари ёш қизга: "Нега ўғлим ва келинимнинг оиласини бузмоқчисан?" деб бақиради. Видеонинг муаллифи ёш қиз билан аёлларни воқеа жойига етказган ҳайдовчи эди.
Суд-тиббий экспертизасининг хулосасига кўра, ҳужум натижасида қизнинг бош юқори қисми, чап билак, чап ва ўнг елкаси, чап сонига ва кўкрак қафаси шикастланган.
Aйни пайтда тергов ҳаракатлари давом этмоқда. Қизни жазолашда қатнашган барча аёллар аниқланган.
