Холестерин нима учун керак?
Инсон организмининг тўлақонли фаолияти учун холестерин жуда ҳам зарур, чунки у инсулин ишлаб чиқаришга таъсир қилади, дейишмоқда Швециянинг Лунд ҳамда Бирлашган Араб Амирликларининг Шаржа университети олимлари.
Олимлар бу фикрларини исботлаш учун ҳам сичқонларнинг, ҳам одамларнинг ошқозон ости безида мавжуд темирнинг бета-ҳужайраларида тадқиқот ўтказишди.
Маълум бўлишича, холестерин метаболити ГПР183 рецепторини фаоллаштирар ва бунинг натижасида организмда инсулин миқдори ошар экан. Бундан ташқари, холестерин ҳужайраларни қонда глюкоза миқдори ошиб кетишидан пайдо бўладиган глекемик стрессдан ҳам ҳимоя қилади.
Уни сунъий равишда фаоллаштириш имкони топилганида эди, диабетни даволашнинг умуман янги имкониятлари пайдо бўларди, дейишмоқда олимлар. Бироқ инсулиннинг кўпайиши очлик ҳиссини беради ва инсон кўпроқ ейишни бошлайди. Оқибатда семириб кетиш ва яна соғлиқ билан боғлиқ муаммолар пайдо бўлиши мумкин.
Илгарироқ холестерин етишмаслиги геморрагик инсульт хавфини 170 фоизга ошириши аниқланган эди. Ана шуларни ҳисобга олган ҳолда холестериннинг қондаги миқдорини меъёрда сақлаган маъқул, деган хулосага келинди.
