Хитойнинг 4 компанияси АҚШдан "бадарға қилинади"

AҚШ ҳукумати Хитойнинг тўртта телекоммуникацион компаниясининг мамлакатда ишлашига берилган рухсатномани бекор қилмоқчи, деди давлат котиби Майк Помпео. У бу қарорни Хитой алоқа компаниялари америкаликларнинг шахсий маълумотлари хавфсизлигига таҳдид солаётгани билан изоҳлади.

Лицензиясиз қолиши мумкин бўлган компаниялар қаторига Хитойнинг учинчи йирик уяли алоқа оператори China Telecom ҳам киради, деб ёзади "Коммерсант".

Помпео Хитой компанияларини "ишончсиз" деб атади ва AҚШ расмийлари "Қўшма Штатлар ва бошқа давлатлар ўртасидаги алоқа хизматларини тақдим этмасликлари" учун ҳаракат қилишларини тушунтирди. Давлат департаменти, Бош прокуратура ва AҚШ Мудофаа вазирлиги ушбу компаниялар фаолиятини тақиқлашни таклиф қилди. Якуний қарорни Федерал комиссия қабул қилади.

Бундан ташқари, Помпео Хитойнинг ТикТок ва WеChat дастурлари AҚШ хавфсизлигига "жиддий таҳдид" туғдираётганини таъкидлаб, уларни AҚШда бутунлай чеклаш кераклигини айтди.