Хитойдаги бахтсиз ҳодиса оқибатида 15 киши ҳалок бўлди

Хитой шимоли-шарқида Хэйлунцзян провинциясида содир бўлган бахтсиз ҳодиса оқибатида 15 киши ҳалок бўлди ва бир киши яраланди. Бу ҳақда "Синхуа" 4 сентябрь, шанба куни маҳаллий ҳокимиятга таяниб хабар берди.

"Фожиа шанба куни соат тахминан 04:00 да Цитайхэ шаҳрининг Боли туманида содир бўлган, тиркамали трактор тўрт ғилдиракли трактор билан тўқнашган", — дейилади хабарда.

ХХР Жамоат хавфсизлиги вазирлиги воқеа жойига ишчи гуруҳини юбориб, ҳодисанинг сабабларини аниқлашга ва унинг оқибатларини бартараф этишга ёрдам берди.

Aйни пайтда ҳодиса сабабларини ўрганиш давом этмоқда.